Курскиға гуманитар ярҙам китте

Районда ярҙам йыйыу пункттары булдырылды. Иҫке Собханғол, Иҫке Монасип, Нәби ауылдары, Ағиҙел ҡасабаһы халҡы, ирекмәндәр, мәғариф бүлеге һәм башҡа йәмәғәт ойошмалары акцияла әүҙем ҡатнашты. Тәү сиратта балаларға уҡыу кәрәк-яраҡтары, көнкүреш әйберҙәре, шәхси гигиена саралары, йылы кейем-һалым, оҙаҡ һаҡлана торған аҙыҡ-түлек йыйылған. Тупланған әйберҙәр ауыл биләмәләре башлыҡтары тарафынан район үҙәгенә килтереп тапшырылды. Тәүге ярҙам ылауы 14 август көнө машина менән Өфөгә юлланды. Өфөләге штабтан Курск өлкәһенә оҙатыласаҡ.

• Тиҙерәк илебеҙҙә тыныслыҡ урынлашһын, ир-егеттәр тыуған яғына имен-һау әйләнеп ҡайтһындар, тип тырышабыҙ!, - ти райондың гуманитар ярҙам йыйыу акцияһы ирекмәне йәштәр сәйәсәте һәм спорт комитеты рәйесе Ирек Шәмиғолов.

Ситтә ҡалмай хәйриә акцияһында ҡатнашҡандарҙың барыһына ла ҙур рәхмәт.