Хөрмәтле райондаштар, мосолман ҡәрҙәштәр!

Был байрам мосолмандарҙың иң яҡшы сифаттарын – миһырбанлыҡты, шәфҡәтлелекте, рухи сафлыҡҡа һәм камиллыҡҡа ынтылышты сағылдыра, дөйөм кешелек ҡиммәттәрен билдәләй, милләт-ара һәм конфессия-ара татыулыҡтың нигеҙе булып тора.
Байрам һәр кемгә көс һәм дәрт өҫтәһен, яҡшы эштәргә әйҙәһен, һәр йортҡа, һәр ғаиләгә шатлыҡ алып килһен. Аллаһы Тәғәлә изге ғәмәлдәрҙе, ниәттәребеҙҙе һәм килтерелгән ҡорбандарҙы ҡабул итһен! Һәр бер эшегеҙ ризалыҡ менән башланып, тик уңыштар менән генә тамамланһын! Барығыҙға ла ныҡлы һаулыҡ, күңел тыныслығы, ғаилә бәхете, имен һәм бәрәкәтле тормош теләйем!
Ҡорбан ғәйете мөбәрәк булһын!