Пенсионерҙар әүҙем

Район ветерандар советы ойошмаһының чатында фекер алышыу булып, тиҙләп Нурия Вәзир ҡыҙы Зәйнуллина иҫәбенә аҡса туплана башланы. Кисә-бөгөн ветерандар кәрәкле әйберҙәр алыу, гуманитар ярҙам туплау менән мәшғүл.

Район ветерандар советы рәйесе Олег Ғәлиев әйтеүенсә, “Диңгеҙселәр туғанлығы” ойошмаһы, башҡа йәмәғәт ойошмалары бөгөн иртән  5 пакет, 3 тоҡ, 2 ҡумта әйберҙе ярҙам йөҙөнән әҙерләп тапшырған да инде.

“Эйе, беҙҙең халыҡта “берең өсөн барың тор, барың өсөн берең тор ” тойғоһо көслө ул ! “Берҙе бүлеп бир, яртыны ярып бир” тип ҡалдырған ата-бабалар васыятынан, берләшеү- ойошоуға ынтылыу хас беҙгә, Аллаһ Тәғәләгә шөкөр!Бер-береңә ҡарата битарафлыҡ тамырҙары тәрән китмәгән әле беҙҙә! “Берҙә түгел, илдә көс!”икәнен тойоу үҙе ЕҢЕҮ ул!Ағинәйҙәр төркөмөнә лә һалдыҡ саҡырыуҙы.Ауылдарҙа был юҫыҡта эш бара кеүек”, -тип яҙа “Район ветерандар советы” чатында район ағинәйҙәр ҡоро етәксеһе Рәшиҙә Ғизәттуллина.

Изге эшкә  - бәрәкәт, тиергә генә ҡала.