6 йәшлек бала главаға наказын әҙерләп ҡуйған...

-Өләсәй, тағы выборы буламы ул?

- Ниндәй выборы? Һайлау була.

-Главаны һайлау буламы, тейем?

-Киләсәктә буласаҡ. (Республика башлығынмы, район етәксеһен күҙ уңында тотамы икәнен аңламаным, әлбиттә).

-Шунда мине лә апарырһың әле. Минең барғым килә.

-Нишләп унда барғың килә һуң?

-Мин главаға, кешеләрҙең курить итеүен туҡтатығыҙ, тип әйтәйем тигәйнем.

Бына һиңә – мә! Асҡан ауыҙым әҙерәк ябылмай торҙо хатта.

Шул ғына бала һайлауҙар ваҡытында наказдар бирәләр икәнен ҡайҙан белгән, тиһең...

-Ярай, алып барырмын, - тигән яуап яңғыраны, ахыры, минең яҡтан... Ә “курить итеүгә” килгәндә... аптрак инде. Глава бойороғо менән генә туҡтай торған нәмә түгел икәнен әлегә аңлап етмәйҙер инде бала.

Бер олоно, бер кесене тыңла, тип бушҡа әйтмәгәй икән халыҡ мәҡәле...