Аллаһ насип итһә, ураҙаға 3 кенә көн ҡалды!

Ураҙаның фазылиәттәре ( фазылиәт – ғәрәп һүҙе – өҫтөнлөк тигәнде аңлата;фазыл – ғәрәпсә оло хөрмәткә эйә) күп!

Ҡудси хәҙистәрҙә  (Аллаһы Тәғәләнең   пәйғәмбәребеҙ Мүхәммәд саллаллаһу ғәләйһи үә сәлләм аша еткергән изге  хәҙистәр ) әйтелгәнсә, Аллаһы Тәғәлә ураҙаны Үҙе өсөн һайлап алған, ураҙа тотҡан кешене лә үҙе генә бүләкләйәсәк, ураҙа өсөн сауаптарҙы арттырып-арттырып бирәсәк.

Хәҙистәр нимә ти һуң ураҙа хаҡында:

-              “Аллаһы Тәғәлә:” Минең өсөн булған ураҙаны Мин Үҙем бүләкләйәсәкмен”, -тигән (Әл-Бохариҙан риүәйәт).

-                “Ураҙаға бер нәмә лә тиң була алмай” (Ән-Нәсәиҙән риүәйәт).

-              “Ураҙала булған кешенең доғаһы кире ҡағылмаҫ” (Әл- Байхаҡи риүәйәте).

Рамаҙан айы мөбәрәк булһын, фарыз ураҙаларҙы тоторға Аллаһы Тәғәлә ғүмер, форсат, көс, иман байлығы насип итһен!

Хәсән хәҙрәт Зарипов, райондың имам-мөхтәсибе