Байрамды баҙығайтҡандар

 Мораҙым ауылында БАССР-ҙың атҡаҙанған зоотехнигы, "Почет билдәһе" ордены кавалеры Таштимер Әлибаков иҫтәлегенә район ҡышҡы ат ярыштарында  Байназар һәм Мораҙым ауылының әүҙем ағинәйҙәре районыбыҙҙың брендына әйләнгән сергетыштарынан  күргәҙмә ойошторған.

Районда 5-се йыл рәттән ағинәйҙәр, ҡул оҫталары “Сергетыш” проектын ғәмәлдә бойомға ашыра килә -  ҡышҡы саналы ат ярыштарын, яҙғы һабантуйҙарҙы биҙәй. “Айыҡ ауыл- 2024” проекты сиктәрендә “Сергетыш” проектының да урын алыуы – икеләтә байрам һәм ҡыуаныс.

Бына әле бер төркөм оҫтабикәләр  - Нәсимә Науразбаева, Нәсимә  Хәйруллина, Наилә Мәсәғүтова, Әнисә Салауатова, Зәлиә  Тулыбаевалар  үҙҙәренең күҙҙең яуын алырлыҡ сергетыштары менән байрамды баҙығайтҡан.

Ҡулығыҙҙан һөйөнөгөҙ, оҫтабикәләр!