Сергетыш - оҫталар өлөшө

Сергетыштар хәҙер ҡаралды йәме генә түгел, донъя йәменә әүерелде, тиһәң дә хата булмаҫ. Ҡатын-ҡыҙҙарыбыҙҙың күңел һәм ҡул йылыһынан туҡылған ошо матурлыҡ нисәнсе ҡыш инде районыбыҙ брендына әйләнгән саналы аттар ярышының сағыу биҙәгенә әйләнде.

“Кәрәҙ” халыҡ ҡорамасылар клубы һәм район ағинәйҙәр ҡоро  етәксеһе Рәшиҙә Хәй ҡыҙы Ғиззәтуллина әйтеүенсә, бөгөнгө изге йома көнөн буш үткәрмәгән Ҡурғашлыла йәшәүсе  ҡатын-ҡыҙҙарыбыҙ. Рәшиҙә Хәй ҡыҙы Ҡурғашлы ауыл мәҙәниәт йортонда сергетыш  буйынса мастер-класс үткәргән, аҙаҡ эргәләге матур мәсеттә үткән йома намаҙына ла өлгөргән оҫтабикәләр.

Тормошто йәмләү, йәнләү – һәр кемдең үҙенән, тигәнгә ишара был.