Һәр яҡтан да өлгөр ул

Өфө медицина училищеһында фельдшерлыҡ йүнәлешендә белемен камиллаштырған. Фельдшер ауылда киң профилле һөнәр эйәһе икәнен аңлап, массаж эшләү серҙәренә лә төшөнгән, гирудотерапия (һөлөк ҡуйыу) буйынса ла белем алған.
Бөгөнгө көндә ул 33 йыллыҡ эш стажы булған тәжрибәле белгес.
Тап Фәйләрә Бәхтинур ҡыҙының тырышлығы менән Мәһәҙей фельдшер-акушерлыҡ пункты районда иң яҡшылар иҫәбендә. ФАП-та эш юғары кимәлдә ойошторолған. Үҙ ваҡытында лицензиялау үтеп тора. Инфекцион контроль һәм хәүефһеҙлек йәһәтенән дә эшенә тел тейҙерерлек түгел. Санитар-гигиена нормалары режимы теүәл үтәлә.
5 йылдан артыҡ инде ул етәкләгән ФАП участкаһында йоғошло ауырыуҙар таралыуына юл ҡуйылмай. Эшенең төп йүнәлеше – сирҙәрҙе иҫкәртеү. Ул даими рәүештә мәктәп, балалар баҡсаһына йөрөй, ауыл халҡын да иғтибар үҙәгендә тота.

Материалдың тулы вариантын "Таң" гәзитенең 8-се һанында уҡығыҙ.