Алдағы көндәрҙә ниндәй һауа торошо көтөлә?

Республикала алдағы көндәрҙә ҡар яуыуы көтөлә. Башгидромет синоптиктары хәбәр итеүенсә, бөгөн, 14 декабрҙә, яуым-төшөмһөҙ. Ел көньяҡ-көнсығыштан, көнсығыштан талғын. Көндөҙ -5, -10 градус.

Кесаҙна, 15 декабрҙә, урыны менән ҡар яуа. Ел көньяҡтан, көньяҡ-көнсығыштан талғын, ваҡыты менән киҫкен. Һауа температураһы төндә -10, -15, көньяҡ-көнсығышта -20, -25, көндөҙ -6, -11, көньяҡ-көнсығышта -16 градус.

Йома, 16 декабрҙә, йәнә ҡар яуыуы көтөлә. Ел көньяҡтан, көньяҡ-көнсығыштан талғын, ваҡыты менән киҫкен. Төндә -9,-14, республиканың көнсығышында 20 градусҡаса һыуыта, көндөҙ һауа -4,-9 градусҡа тиклем йылыта.

Сәләмәт, имен-һау булайыҡ!

Б. Тимерғәлиев фотоһы.