Бөгөн Бөрйәндә БР мировой судьялары һәм мировой судьялар аппараты хеҙмәткәрҙәре, БР суд участкалары аппараты хеҙмәткәрҙәре зона семинар-кәңәшмәгә йыйылды

Семинарҙа район хакимиәте башлығы Ғәзиз Манапов, БР юғары суды судьялары Земфира Фәизова менән Елена Абдулманова, БР юстиция эштәре буйынса дәүләт комитеты рәйесе Владимир Спеле, БР  баш суд приставы урынбаҫары Юлай Муллахмәтов һәм БР буйынса Эске эштәр министрлығы Идаралығы, БР буйынса Эске эштәр министрлығының ЮХХДИ идаралығы, БР буйынса Суд приставтары хеҙмәте идаралығы хеҙмәткәрҙәре ҡатнашты.

Кәңәшмә барышында юл хәрәкәте өлкәһендәге административ хоҡуҡ боҙоуҙар тураһында эштәрҙе ҡарағанда килеп тыуған мәсьәләләр; административ хоҡуҡ боҙоуҙар тураһында эштәрҙе ҡарағанда закондарҙы ҡулланыу мәсьәләләре; мировой судьялар тарафынан административ хоҡуҡ тәртибен боҙоуҙар тураһында эштәрҙе ҡарағанда килеп тыуған төп мәсьәләләр; ғәмәлдә булған ҡануниәттәге үҙгәрештәр; БР мировой судьялары тарафынан енәйәт һәм административ эштәрҙе ҡарағанда типик процессуаль хаталар; БР мировой судьялары тарафынан гражданлыҡ һәм административ эштәрҙе ҡарау үҙенсәлектәре һәм башҡа мәсьәләләр тикшерелде.

Г. Хафизова.