Бөтә яңылыҡтар
Йәмғиәт
8 Сентябрь , 10:35

Юлдарҙа иғтибарлы булайыҡ

Юл фәжиғәһенә тарымау, уны булдырмау һәр кемдең үҙенән тора. Юлда иғтибарлы булһаҡ, тиҙлекте арттырмаһаҡ, ҡайышты тағып йөрөһәк, баланы ла креслоһында йөрөтһәк, ә иң мөһиме, эскән килеш руль артына ултырмаһаҡ ине.

Юлдарҙа иғтибарлы булайыҡ
Юлдарҙа иғтибарлы булайыҡ

Уҙған аҙнала, 1-се сентәбрҙән 8-нә тиклем, район биләмәһендә ЮХХДИ йүнәлешендә – 57 хоҡуҡ боҙоу осрағы теркәлгән. Бер водитель эскән килеш руль артына ултырып, юл хәрәкәте ҡағиҙәләрен боҙған.

Юл хәрәкәте ҡағиҙәләрен балаларға ҡабатларға яратабыҙ.

Түбәндәге кәңәштәр ѳлкәндәр ѳсѳн дә файҙалы булыр:
 
- Балағыҙға юлды дѳрѳҫ аша сығыу хаҡында даими рәүештә аңғартып тороғоҙ. Һүҙ миҫал менән нығытылһа, тағы ла яҡшыраҡ булыр.
- Ашыҡмаҫҡа ѳйрәтегеҙ. Юлға аяҡ баҫыр алдынан туҡтап, тирә-яғыңа ҡарап алыу, етеп килгән транспортты үткәреү хаҡында аңлатығыҙ.
- Балағыҙҙың ѳйҙән мәктәпкә тиклемге маршрутты яҡшы белеүе мотлаҡ. Ошо юлдан уның менән бергә үтеп, хәүефле урындарҙы бер нисә тапҡыр күрһәтегеҙ.
- 14 йәше тулмаған балағыҙҙы ҡала юлында үҙен генә велосипед менән сығармағыҙ.
- Киске сәғәттәрҙә хәүефһеҙлекте булдырмау маҡсатында балағыҙҙың кейеменә, портфеленә сағылдырыусы элементтар ҡуйығыҙ.
- Балағыҙға юл аша йәйәүлеләр ѳсѳн тәғәйенләнгән махсус урындан йәки светофорҙың йәшел тѳҫѳнә генә сығыу кәрәклеген һәр саҡ әйтеп тороғоҙ.
 
Автор:
Читайте нас в