Был аҙнала һауа торошо нисек буласаҡ?

Киләһе өс көндә Башҡортостанда ямғырлы, ләкин яҙғыса йылы һауа торошо көтөлә, тип хәбәр итте республика синоптиктары.

Башгидромет мәғлүмәттәре буйынса, 19 апрелдә урыны менән бер аҙ ямғыр яуа. Ел көньяҡтан, көньяҡ-көнсығыштан талғын.

Һауа температураһы төндә +3, +8 градус була, республиканың төньяғында 2 градусҡаса һалҡын. Көндөҙ +7,+12 градус, көньяҡта +15, +20 градус.

20 апрелдә төндә урыны менән бер аҙ ямғыр яуа, көндөҙ урыны менән ҡыҫҡа ваҡытлы ямғыр, йәшен. Ел көнсығыштан, төньяҡ-көнсығыштан талғын, йәшен ваҡытында елдең көсәйеүе мөмкин.

Һауа температураһы төндә +2, +7 градус. Көндөҙ республиканың төньяғында +9, +14, көньяғында иһә +16, +21 градус.

Аҙнаның икенсе яртыһында һауа температураһы бер ни тиклем түбәнәйә – көндөҙ плюс 10-12 градус, төндә 0 градус тирәһе күҙаллана.