188 аварияла балалар пассажир булған - 14 үлем, 232 йәрәхәт теркәлгән. Шуны иғтибарға алырға кәрәк: 12 аварияла балаларҙы йөрөтөүҙә хәүефһеҙлек ҡайыштары йәки ултырғыстары ҡулланылмаған булған. Һөҙөмтәлә 2 бала вафат булған, 20-һе йәрәхәтләнгән.
Бәлиғ булмаған йәйәүлеләр ҡатнашлығындағы 166 аварияла 1 бала һәләк булған, 172-һе тән йәрәхәттәре алған.
Юл-транспорт ваҡиғаларының күбеһе үткәүелдәрҙә барлыҡҡа килгән. 59 аварияла 63 бала зыян күргән.
Һәр 6-сы авария тәүлектең ҡараңғы мәлендә барлыҡҡа килә. 29 юл-транспорт ваҡиғаһының 28 осрағында балаларҙың кейемдәрендә яҡтылыҡты ҡайтарыусы элементтар булмауы асыҡлана.
Руль артына ултырған водитель-балаларҙың һаҡһыҙлығы арҡаһында, төрлө тән йәрәхәттәренә килтергән 37 авария теркәлгән.
Шулай уҡ ағымдағы йылда балаларҙың һаҡһыҙлығы арҡаһында 103 авария булған. Унда бер бала вафат булған, 102-һе йәрәхәтләнгән.
Балалар ҡатнашлығындағы юл-транспорт ваҡиғаларын иҫкәртеү маҡсатында 20 декабрҙән 14 ғинуарға тиклем “Иғтибар – балалар!” акцияһы үткәрелә.