Йәш гвардиясылар тәбрикләнде

«Йәш Гвардия»-ның Башҡортостандағы төбәк бүлексәһенә быйыл 15 йыл тулды. Ошо айҡанлы Өфөлә юбилей отчет-һайлау конференцияһы уҙҙы. Кәңәшмәлә иң шәп һәм иң актив йәштәрҙе билдәләп үттеләр.

Пандемия осоронда әүҙем эшләгән ирекмәндәр араһында «Берҙәм Рәсәй»ҙең Йәш Гвардияһы» бөтә Рәсәй йәмәғәт ойошмаһының Башҡортостан төбәк бүлексәһе Бөрйән районының урындағы бүлексәһе етәксеһе Мәүсилә Нурғәле ҡыҙы Ямғурсина ла бар. Ул дәүләт йәштәр сәйәсәтен тормошҡа ашырыуҙа шәхси өлөшө һәм әүҙем гражданлыҡ позицияһы өсөн БР Йәштәр сәйәсәте һәм спорт министрлығының Рәхмәт хаты менән бүләкләнде.

Шулай уҡ отчет-һайлау конференцияһында яңы төбәк штаб һәм контроль-ревизия комиссияһы һайланды. Төбәк бүлексәһе етәксеһе итеп Оскар Лютов билдәләнде.