Илһам алып тыуған төйәктән

Бөрйән үҙәкләштерелгән китапханалар системаһы шиғыр һөйләүселәр араһында ойошторған “Илһам алып тыуған төйәктән: Бөрйән яҙыусыларын уҡыйбыҙ” район конкурсының йомғаҡлау өлөшө үтте. Сара Бөтә донъя шиғриәт көнөнә һәм Башҡорт тарихы йылына бағышланды.

Шиғриәт байрамында 4 йәштән 64 йәшкә тиклемге 38 конкурсант ҡатнашты. Улар яҡташ шағирҙарыбыҙ Самат Ғәбиҙуллин, Таңһылыу Ҡарамышева, Тәнзилә Дәүләтбирҙина, Инсур Йәһүҙин, Сәрүәр Ғәләүетдинов, Айһылыу Ғарифуллина, Земфира Аҡбутина, Таңһылыу Баһауетдинова, Зөһрә Үтәғолова, Флүрә Маликова, Зәки Сөләймәнов, Зәйтүнә Айытбаеваның шиғырҙарын һөйләп ишеттерҙеләр.

Нәфис һүҙ оҫталарының сығыштары өс категорияла баһаланды. 16 йәшкә тиклемге конкурсанттар араһында беренсе урында - Яңы Собханғол мәктәбе уҡыусыһы Хазина Кинйәбаева, икенсе – Килдеғолдан Фаягөл Әйүпова менән Әбделмәмбәттән Айгүзәл Сәйфетдинова, өсөнсө урында – Иҫке Cобханғолдан Тимур Фәтҡуллин, Яуымбайҙан Айгөл Дауытова һәм Әтектән Азалиә Күжәбаева.

17-35 йәшлектәр араһында еңеүсе – Байғаҙынан Нәзилә Әлибакова, Иҫке Собханғолдан Гөлназ Биргәнова менән Байназарҙан Нурзилә Исмәғилеваға - икенсе, Мәһәҙейҙән Рәүилә Ғарифуллинаға өсөнсө урын бирелде.

35 йәштән өлкән шиғыр һөйләүселәр араһында иң оҫтаһы тип Әбделмәмбәттән Сәлимә Ғарифуллина билдәләнде, икенсе урында – Байназарҙан Нажиә Ишҡыуатова һәм Ҡолғананан Зәйтүнә Айытбаева, өсөнсө урында – Иҫке Монасиптан Айһылыу Бикмәтова, Ҡотандан Флүрә Нәҙершина, Байғаҙынан Зәмбилә Мәхмүтова. Әбделмәмбәттән Асия Мөхәмәтғәлина менән Иҫке Собханғолдан Юлиә Шәмиғолова “Иң йәш ҡатнашыусы”, Аҫҡарҙан Вилена Мырҙабулатова һәм Ғәҙелгәрәйҙән Мәрйенбикә Байегетова “Башҡарыу үҙенсәлеге”, Иҫке Собханғолдан Лилиә Ғибәҙәтова менән Яуымбайҙан Гәүһәр Ишбаева “Ихласлыҡ өсөн” номинацияларында билдәләнде.