ИЛ ӨҪТӨНДӘ НИҘӘР БАР?

Хөрмәтле райондаштар! Көндәр йылытҡас, ҡыйыҡтарҙан бик әүҙем рәүештә ҡар шыуҙы. Еүеш ҡарҙың мейес мөрйәләрен дә ҡыйшайтыуы, хатта емереүе мөмкин. Был янғынға сәбәп булыуы ихтимал. Шуға күрә өй хужаларына мейестәренең мөрйәләрен тикшерергә кәңәш итәбеҙ.

Демография
Үткән аҙнала 3 сабый тыуған. 7 райондашыбыҙ яҡты донъя менән бәхилләшкән. Никахтар ҙа, айырылышыуҙар ҙа булмаған.

01 хәбәр итә
Аҙна тыныс үткән.
Хөрмәтле райондаштар! Көндәр йылытҡас, ҡыйыҡтарҙан бик әүҙем рәүештә ҡар шыуҙы. Еүеш ҡарҙың мейес мөрйәләрен дә ҡыйшайтыуы, хатта емереүе мөмкин. Был янғынға сәбәп булыуы ихтимал. Шуға күрә өй хужаларына мейестәренең мөрйәләрен тикшерергә кәңәш итәбеҙ.

02 хәбәр итә
Ғинуарҙың 29-ынан февралдең 5-енә тиклемге осорҙа район буйынса эске эштәр бүлексәһенә енәйәттәр һәм хоҡуҡ боҙоуҙар тураһында 59 мөрәжәғәт булған. Улар иҫәбендә урлашыу (4), законһыҙ ағас ҡырҡыу (3), үлтереү менән янау (1), шәхси документтарҙы юғалтыу (5), ялған документ эшләү (1), кешегә тән йәрәхәттәре һалыу (4), дауаханаға мөрәжәғәт итеү (6), битлек режимын боҙоу (5), законһыҙ рәүештә алкоголь продукцияһы менән сауҙа итеү (2) һәм башҡалар бар.
Йәмғиәт тәртибен һаҡлау нарядтары тарафынан 59 протокол төҙөлгән. Шуларҙың 42-һе ЮХХДИ йүнәлешендә.