“Таң”лыларға – бүләктәр!

Ҡәҙерле райондаштар!
2021 йылдың тәүге яртыһы өсөн “Таң” гәзитенә яҙылыу дауам итә. Бына, ниһайәт, район гәзитенә яҙылып, квитанцияларының күсермәһен редакцияға тапшырғандар (йәки ватсапп, электрон почта, “Бәйләнештә” селтәрендәге сәхифәләр аша ебәргәндәр) араһында бүләктәр уйнатыла башлаясаҡ.

Әлбиттә, йәмғиәттә йәшәгәс, йәмғиәттән азат булып булмай – пандемия гәзит эшенә лә байтаҡ ҡамасаулыҡтар, ҡыйынлыҡтар тыуҙыра. Сир таралыуға юл ҡуймау маҡсатында, элекке һымаҡ ауылдарға сығып йөрөүҙәр, һеҙҙең менән аралашыуҙар ҙа сикләнде. Ләкин беҙ район гәзитенең бер һанының да сыҡмай ҡалыуына юл ҡуйманыҡ һәм уның мәлендә адресаттарына барып етеүе өсөн тырышабыҙ.

Күп материалдарҙы дистанцион, йәғни электрон мөмкинлектәр аша (ватсапп, электрон почта, “Бәйләнештә” селтәре һ.б.) әҙерләргә мәжбүрбеҙ.
Бындай ауырлыҡтар ваҡытлыса ғына булһын, киләсәктә йәнә ҡәҙимгесә аралашып йәшәрбеҙ тигән теләктә ҡалабыҙ.

Хөрмәтле дуҫтар! Ошондай шарттарҙа район гәзитен ярҙамығыҙҙан айырмаҫһығыҙ, тип өмөтләнәбеҙ. Ә ул ярҙам өсөн һеҙҙең гәзиткә яҙылып ҡуйыуығыҙ ҙа етә. Ошоға тиклем бергә булдыҡ, киләсәктә лә бергә-бергә тик шатлыҡтар ғына бүлешеп йәшәргә яҙһын!

Шулай итеп, “Таң” гәзитенә яҙылыусылар араһында бүләктәр уйнатыу йәнә башлана. Бының өсөн бары тик гәзиткә яҙылыуығыҙҙы раҫлаған квитанцияларығыҙҙың күсермәләрен редакцияға ебәреүегеҙ генә шарт. Олораҡтар йәштәргә мөрәжәғәт итеп ебәртә ала замана ысулдары аша. Алдан билдәләгәнсә, электрон почта ([email protected]), редакцияла эшләүселәрҙең “Бәйләнештә” социаль селтәрендәге сәхифәләре аша ла ебәрергә мөмкин. Ватсапп һандары: 8-962-543 -06-35, 8-917-413-63-51.

«Таң»ға яҙылыу хаҡтары түбәндәгесә:
1 йылға – 1808 һум 61 тин;
6 айға – 985 һум 32 тин.
Редакциянан килеп алыу юлы менән:

6 айға – 594 һум.
Район үҙәгендәге ойошма-учреждениеларға илтеп биреү юлы менән яҙылыу:

6 айға – 624 һум.

“Таң”лы атһын
таңдарығыҙ!