Сауҙа хеҙмәте ветераны

Һәр кемдең яҙмышы үҙенсә яҙыла. Кемдер тормош ауырлыҡтары алдында бөгөлөп төшә, һынауҙарға бирешә, ә икенселәрҙе ул сыныҡтыра ғына. Ғаиләләрендә дүрт ағаһынан һуң кинйә бала булып донъяға килгән Сәмәрә апайыбыҙҙың тормош юлы беҙҙең өсөн өлгө булып торҙо, тиһәм, башҡа туғандарыбыҙ ҙа, ауылдаштарым да минең менән килешер, тип уйлайым.

Сәмәрә апайым да, атайым да үҙҙәренең аталарын бөтөнләй хәтерләмәй. Солтангәрәй бабайымдың һөйләүе буйынса, төндә милиция формаһында өс кеше аталарын килеп алып киткән. Шул китеүҙән аталары тураһында хәбәр-хәтер булмай. 1990 йылдарҙа репрессияға эләккәндәрҙең ғаиләләренә компенсация таратҡанда уларға ла 6000 һум компенсация биргәндәр. Әлбиттә, уларҙың күргән ыҙаларын, рәнйетелеүҙәрен, бер телем икмәккә зар-интизар булыуҙарын бер ниндәй һумдар ҙа алыштыра алмай.

Материалдың тулы вариантын "Таң" гәзитенең 1 октябрь һанынан уҡығыҙ.