Тәғәйенләүҙәр

Ғәлин Илфат Әсхәт улы Бөрйән районы муниципаль районы хакимиәте башлығының эшҡыуарлыҡ һәм инвестициялар буйынса урынбаҫары итеп тәғәйенләнде.

И. Ғәлин 1985 йылдың 20 ноябрендә Әбделмәмбәт ауылында тыуған. Юғары белемле – 2008 йылда Башҡорт дәүләт аграр университетының предприятиела иҡтисад һәм идаралыҡ бүлеген тамамлаған.

Армияла хеҙмәт иткәндән һуң, хеҙмәт юлын 2009 йылда ауыл хужалығы бүлегендә баш иҡтисадсы булып башлай. Бүлек “Бөрйән мәғлүмәт-консультация үҙәге” МУ-һы, МБУ-һы тип үҙгәртелгәс, баш иҡтисадсы-консультант була. 2015 йылда “Рәсәй һаҡлыҡ банкы” ААЙ-һында эшләй.

2015 йылдың ноябренән 2019 йылдың сентябренә тиклем “Бөрйән мәғлүмәт-консультация үҙәге” МБУ-һының әйҙәүсе белгесе, баш иҡтисадсы-консультанты вазифаларын башҡара.

Өйләнгән, ҡатыны менән ике бала тәрбиәләйҙәр.