Район үҙәгендәге зыяраттың кәртәһе алыштырылырмы?

ҺОРАУ:

- Ни өсөн район үҙәге Иҫке Собханғол уртаһында урынлашҡан зыяратты матур итеп кәртәләп алмайҙар икән? Башҡа райондарға барһаң, хатта бәләкәй ауылдарында ла зыярат матур итеп профлист менән уратып алынған. Беҙҙә лә шулай итеп эшләп, тәртипкә килтереп булыр ине. Ҡаршыһында ғына, юл аша, ауыл хакимиәте бинаһы матур булып ултыра, ә бына зыярат өсөн ҡырҙан килгәндәр алдында уңайһыҙ, оят.

Иҫке Собханғол ауыл хакимиәте башлығы Шахниязов Раян Рамаҙан улы яуап бирә:

- Икенсе йылдан Иҫке Собханғол ауылының зыяратын өлөшләтә кәртәләү эштәрен башлаясаҡбыҙ. Был эштәр спонсорҙар ярҙамы менән башҡарыласаҡ. Шулай уҡ ауыл халҡының да был өмәләрҙә әүҙем ҡатнашыуҙарын һорайбыҙ.