Егәрленең ҡулы ете

Район хакимиәтендә тиҫтә йылға яҡын урам һепереүсе булып эшләүсе Ғилман Таңатар улы Мырҙабаев хаҡында әйтелгәндер был мәҡәл.Уның эшен күргәндәр инҡар итергә ҡыймаҫ – Ғилман кеүек үҙ эшенә шул тиклем яуаплы, етди ҡарағандар йөҙгә берәү булалыр ул. Ҡасан ҡарама - эш өҫтөндә: ҡыш көнө ҡар көрәп, йә заманса техникаһын бытырҙатып “ҡар урып” йөрөй, иртә яҙҙан иң беренсе ул хужалыҡ иткән биләмә ҡарҙан әрселә – тумырып, боҙ ҡатламдарын стена яһап кәлдәп кенә өйөп ҡуя, ҡоро мәлдә былай ҙа көҙгөләй ялтырап ятҡан хакимиәт биләмәһен һепереп йөрөй. Ғилмандан энә күҙәүендәй сүп тә ҡурҡып ҡалтырап яталыр, моғайын.