Уҡыу-күнекмәләр үтә

2018 йылдың 7 декабрендә 10.00 сәғәттә район хакимиәтенең ултырыштар залында “Ғәҙәттән тыш хәлдәрҙе иҫкәртеү һәм уларға юл ҡуймау буйынса берҙәм дәүләт системаһы Башҡортостан территориаль бүлеге”нең (БТП РСЧС) Бөрйән звеноһы ҡотҡарыу хеҙмәттәренең 2018 йылда граждандар оборонаһы, ғәҙәттән тыш хәлдәрҙән һаҡланыу һәм бөтөрөү, янғын хәүефһеҙлеген һәм һыу объекттарында кешеләрҙең хәүефһеҙлеген тәьмин итеү буйынса йыллыҡ эшенә йомғаҡ яһау һәм маҡсаттар билдәләү буйынса уҡыу-методик күнекмәһе үтә. Уға ярашлы, Бөрйән звеноһы ҡотҡарыу хеҙмәттәре етәкселәренә граждандар оборонаһы һәм ғәҙәттән тыш хәлдәр буйынса үҙ хеҙмәттәренең 2018 йылғы эшмәкәрлеге тураһында һәм 2019 йылға маҡсаттар менән сығыштар әҙерләү бурысы йөкмәтелә. “Бөрйән район үҙәк дауаханаһының газ ҡаҙанлығында сыҡҡан янғынды бөтөрөү” буйынса үтәсәк практик өлөштә кешеләрҙе эвакуациялау, янғындан зыян күреүселәргә медицина ярҙамы күрһәтеү, утты һүндереү, тәртип булдырыу, авария эҙемтәләрен бөтөрөү һ.б. күнекмәләр ҡаралған.