+2 °С
Ҡар
Бөтә яңылыҡтар
Йәмғиәт
18 Сентябрь 2018, 18:10
Ауылдары уның бәләкәй ҙә, кешеләре оло йөрәкле...
Хөрмәтле гәзит уҡыусыларыбыҙ! Һеҙҙе районыбыҙ ауылдарының көнитмеше, уларҙағы ыңғай күренештәр һәм проблемалар менән яҡындан таныштырыу маҡсатында, “Нисек йәшәйһең, ауыл?” исемле өр-яңы рубрикаға старт бирәбеҙ. Һәм иғтибарығыҙға иң төпкөл ауылдарҙың береһе - Мәҡсүт ауылы тормошо хаҡында тәүге мәҡәләне тәҡдим итәбеҙ.
Йәшел генә йәтеш ауыл
Мәҡсүт ауылы тәбиғәттең матур ерендә урынлашҡан. Был ауылдағы бөтә йорт-ҡураларҙың башы бер төҫтән - йәшелдән булғас, ауылға барып ингәндә йәшеллек ҡосағына сумғандайһың. Ҡыҫҡаһы, йәшел генә йәтеш ауыл ул Мәҡсүт.
Ырғыҙлы ауыл хакимиәте мәғлүмәттәре буйынса, Мәҡсүттә бөгөн 30 хужалыҡ, 128 кеше иҫәптә тора, ир-егеттәр - 73, ҡатын-ҡыҙҙар -55 кеше.
Ауыл йәме - мәктәп
Башҡа ойошма-учреждениелары, хатта магазины ла булмаған ауылдың йәме - заманса башланғыс мәктәп. Яҡты, йылы класс бүлмәләре, быйыл ғына буялған, сәхнәле иркен спорт залы, ашхана... Ҡала мәктәптәренән бер ҙә ҡайтыш түгел. 8 бала уҡый бында: 1-се класта – бер, 2-се класта – ике, 3-сө класта – өс, 4-се класта – ике уҡыусы.
- Октябрҙән өйрәнсеккә бер бала киләсәк. 2-4-се кластар ике дәрес уҡығас, беренселәге бала килә. Бөтәһе бер бүлмәлә уҡый, тик һәр класс үҙ фәнен өйрәнә. Физкультура, рәсем, технология, музыка дәрестәре бергә үтә, - ти мәктәп мөдире, уҡытыусы Зинира Ырыҫбаева.
Уҡыусыларҙы ашнаҡсы Гүзәлиә Ғәлина тәмле аштары менән һыйлай. Мәктәптең таҙалығы өсөн яуап биреүсе техник хеҙмәткәр Рабиға Аҫылғужина иһә бында 36 йыл эшләй икән.
- 1979 йылда Үрге Нөгөштән килен булып төшкәндән алып Мәҡсүттә йәшәйем, ауыл тормошонан ҡәнәғәтмен. 4 балам ошо мәктәптә уҡыны, бәләкәсе әле Стәрлелә училищела 2-се курста уҡып йөрөй. Ул уҡыуын тамамлағанға тиклем эшләргә ниәтләйем, - ти Рабиға Мөхәмәҙулла ҡыҙы.
Мәктәп бүлмәләре электр менән йылытыла. Операторҙар Әхмәт Ғәлин менән Зилә Күҫәпова бинаны йылылыҡ йәһәтенән дә, хәүефһеҙлек йәһәтенән дә хәстәрләй.
Белем усағы янындағы баҡсала хеҙмәткәрҙәр уҡыу йылына етерлек йәшелсә, картуф үҫтерә.
Мәҡәләне тулыһынса гәзиттең 18 сентябрь һанынан уҡый алаһығыҙ
Читайте нас:
© 2020-2024 "Таң" гәзитенең сайты. Сайт газеты "Тан"
Свидетельство о регистрации СМИ
ПИ № ТУ 02-01439 от 01.09.2015 г.
выдано Федеральной службой по надзору в сфере связи, информационных технологий и массовых коммуникаций по Республике Башкортостан.
Телефон
(34755)3-62-62
Электрон почта
Адресы
Республика Башкортостан, Бурзянский район, с.Старосубхангулово, ул. Ленина,98
Реклама хеҙмәте
(34755)3-52-85
Редакция
(34755)3-62-92
Ҡабул итеү бүлмәһе
-
Хеҙмәттәшлек
(34755)3-62-92
Кадрҙар бүлеге
(34755)3-52-85