Бөтә яңылыҡтар
Йәмғиәт
12 Июль 2018, 17:14

Башҡортостанда әүҙем ғаиләләр 600 мең һум ота ала

Башҡортостанда «Йыл ғаиләһе» бөтә Рәсәй конкурсының төбәк этабы башланыуы тураһында иғлан иттеләр. Төбәк Хөкүмәте бойороғона ярашлы, социаль әүҙем ғаиләләр араһында «Өлгө ал» конкурсы 2018 йылдың 15 ноябренә тиклем үтә.

Башҡортостанда «Йыл ғаиләһе» бөтә Рәсәй конкурсының төбәк этабы башланыуы тураһында иғлан иттеләр. Төбәк Хөкүмәте бойороғона ярашлы, социаль әүҙем ғаиләләр араһында «Өлгө ал» конкурсы 2018 йылдың 15 ноябренә тиклем үтә.



Әлеге ваҡытта шарттары һәм комиссия составы раҫлана.


Башҡортостандың Ғаилә, хеҙмәт һәм социаль яҡлау министрлығына еңеүсегә еңел автомобиль һатып алыу өсөн 600 мең һум күләмендә матди ярҙам күрһәтергә ҡушылған. Аҡсаны Башҡортостан Хөкүмәтенең резерв фондынан алыу күҙалланған.


Республика Башлығы Рөстәм Хәмитовтың указы менән 2018 йыл Башҡортостанда «Ғаилә йылы» тип иғлан ителгән. Ғаиләләргә ярҙам итеүгә төбәктә республика ҡаҙнаһынан йыл һайын 10 миллиард һумдан ашыу бүленә.