Кубок – “Шүлгән-Таш”та!

Нөгөш ҡасабаһында “Башҡорт Уралы” биосфера резерватының Кубогына Ҡышҡы Спартакиада үтте. Матур йолаға әйләнгән был ярышта республикабыҙҙың айырыуса һаҡланыусы тәбиғәт биләмәләре, фәнни ойошмалар, резерват биләмәһендә йәшәүсе халыҡтың командалары – йәмғеһе 7 команда ҡатнашты. 7 һынауҙан торған Спартакиадала “Шүлгән-Таш” ҡурсаулығы командаһы беренсе урын яуланы һәм кубок менән бүләкләнде! Икенсе урында – Нөгөш ҡасабаһы йәштәренең йыйылма командаһы, өсөнсө урында - “Башҡортостан” милли паркы командаһы.

Еңеүгә үҙ өлөштәрен индереүселәр: Инсур Ырыҫҡолов (шахмат, 1-се урын), Дамир Хәкимов (шашка, 3-сө урын), Салауат Толомғужин (саңғы, 2-се урын), Нурсилә Әминева (саңғы - 2-се урын; винтовканан атыу - 2-се урын), Динар Юлсурин (винтовканан атыу - 3-сө урын), Нәҙир Ишморатов (турникта күтәрелеү - 3-сө урын). Волейбол буйынса йыйылма командабыҙ бар уйындарҙа ла еңеп сығып, лайыҡлы рәүештә 1-се урын яуланы!

Ырғыҙлы ауылы командаһы бындай ярыштарҙа йыл һайын ҡатнашып килә. Киләсәктә лә шулай әүҙем булып, ауылығыҙ данын күтәреп йәшәгеҙ!

Т. Хәмиҙуллина