+20 °С
Облачно
Ватан һағында
22 Мая , 09:00
4 хәрби наградаға лайыҡ булған яугир яҡташыбыҙ
Башҡортостан егете Айрат Ғәзиев Өфө дәүләт нефть техник университетын тамамлаған, 15 йыл стажға эйә 38 йәшлек инженер-нефтьсе. Ватанға хәүеф янағанда, ул һис икеләнмәйенсә, үҙ теләге менән алғы һыҙыҡҡа, иң ауыр Авдеевка штурмына юлланды. Бөгөн уның түшен дүрт хәрби награда, шул иҫәптән I һәм II дәрәжә «Батырлыҡ өсөн» дәүләт миҙалдары, Жуков һәм генерал Шайморатов миҙалдары биҙәй.
4 хәрби наградаға лайыҡ булған яугир яҡташыбыҙ
Яуҙа бирелгән батырлыҡ, көс-ғәйрәт ҡайҙан килә икән тигән һорауға Айрат яуап эҙләй торғас, яуабын шәжәрәһендә таба.
«Минең нәҫелем Аҡбаш ауылынан, быуаттар буйы ошо ерҙә йәшәгәндәр. Ғәзиевтар — башҡорт-вотчинниктар (асаба) һәм мәсеттә указлы аҙансылар булған. Аҙансы булыу — саф выжданлы булыу һәм кешеләрҙе иң мөһим нәмәгә саҡырыу тигән һүҙ. Асаба булыу — туған ерҙең һәр ҡарышы өсөн шәхси яуаплылыҡ тотоу, тимәк.
Минең аҙансы бабамдың тауышы быуаттар буйы кешеләрҙе доғаға һәм уй-ниәттәрҙең таҙалығына саҡырған. Минең тауышым бөгөн — ул бурысҡа тоғролоҡ һәм уртаҡ йортобоҙҙо яҡлау. Авдеевка штурмы ваҡытында мин ошо бәйләнеште ныҡ тойҙом: минең артымда 15 йыллыҡ инженер стажы ғына түгел, ә бер ҡасан да баш эймәгән ата-бабаларымдың 400 йыллыҡ тарихы тора», - ти Айрат.
Имен-һау ғына йөрөп ҡайтырға яҙһын уға!
