Ололарҙы ҡыуандырғандар

Яңы Монасип ауылында йәшәүсе, улдары махсус хәрби операцияла хеҙмәт итеүсе Көмөшбаевтар ғаиләһе ошо көндәрҙә ҙур шатлыҡ кисергән – ауыл хакимиәте башлығы Илгиз Муллағоловтың тырышлығы менән хәстәрләнгән бер йөк утынды Әхмәт Сәғитов тейәп алып барып, уларҙың йорто эргәһенә бушатҡан.

-Ошо изге эштәре өсөн утынды йүнләүгә, алып килеүгә хеҙмәт һалғандарҙың барыһына ла ҙур рәхмәт белдерәбеҙ, эштәрендә, тормоштарында уңыштар, ғаилә именлеге, ныҡлы һаулыҡ теләйбеҙ.

Ололарға иғтибарлы булыуығыҙға айырыусы ҡыуанабыҙ. Ололарҙы ололауығыҙ өсөн үҙегеҙҙе Аллаһы Тәғәлә ололаһын. Донъяларыбыҙ имен, күгебеҙ аяҙ булһын, барыбыҙ ҙа һау-сәләмәт булайыҡ. Донъяла тыныслыҡ урынлашһын, - тип ата-әсәһенең шатлыҡтарын, изге теләктәрен еткерә ҡыҙҙары Филиә.