“Бөрйән шуравиҙары” донъя күрҙе!

Китаптың “кухняһы” “Таң” гәзите редакцияһында булды: редацияның бүлек мөдире Айһылыу Ғарифуллина текстар менән эшләне, элекеләрен тәртипкә килтерҙе, яңыларын яҙҙы, фотограф Булат Тимерғәлиев әллә ҡасанғы фотоларға “йән өрҙө”, эшкәртте, ғөмүмән, китаптың биҙәлеше өсөн тырышты. Әйткәндәй, китаптың тышы ла уның ижад емеше.

Афған һуғышы ветерандары Садиҡ Сәғитов менән Фәнис Сәйәховтың редацияға килмәгән көнө һирәк булғандыр. “Афғансылар” матди яғын ҡайғыртып, аҡса йыйҙы, материалдар йыйышыуҙа ярҙам күрһәтте.

Бына шундай күмәк көс менән бына тигән китап тыуҙы. Уның ҡарауы һәр “афғансы”  ғаиләһе иҫ китмәле шәп хазиналы булды.