Хаҡлы ялдағы журналист МХО-ға бирсәткә һәм ойоҡбаштар бәйләгән.

Оҙаҡ йылдар “Таң” гәзитендә эшләп, хаҡлы ялға сыҡҡан, үҙе ауыр операциялар үткәргән хеҙмәттәшебеҙ Зәйтүнә Ғиниәт ҡыҙы Шәмиғолова махсус хәрби операциялағы ир-егеттәребеҙ өсөн махсус бирсәткә һәм ике пар йөн ойоҡбаш бәйләгән.

Афарин, Зәйтүнә апай! Күҙ нурҙарығыҙ һеңгән, күңел һәм йөрәк йылығыҙ ҡушып изге хистәр, теләктәр оҙатыуында бәйләнгән бирсәткәләрегеҙ менән ойоҡбаштарығыҙ егеттәрҙең ҡул-аяҡтарын ғына түгел, йөрәктәрен дә йылытһын, уларға көс-дәр бирһен.