"Сибайзолото" артеленең Түбә руда управлҽниҽһы эшселәре: 7 -12 йәшлҽк балалар. 1944 йыл”, тип яҙылған был фотоның аҫтына...
Бөгөн хатта бәғзе 18-20 йәшлек егеттәр ҙә “бәпәй” булып йөрөй. Икенсе берәүҙәр “эш юҡ” тип оран һала. Шул уҡ ваҡытта, төрлө эштәргә, ер ҡаҙыуға, нигеҙ цементлауға, өй күтәреүгә һәм башҡа шундай көс талап иткән эштәргә йәштәрҙе тыңлатып булмай, тигән хәбәрҙәрҙе йыш ҡына ишеткеләргә тура килә...
Бөгөн тәпәй баҫмаған балаларға хәтлем телефон ҡосаҡлап ултыра – ата-әсәләренә шулай уңайлы, сөнки ул саҡта сабыйҙары уларға үҙҙәренә виртуаль киңлекте “гиҙергә” ҡамасауламай. Ә телефондың ул балаларҙың мейеһенә нисек тәьҫир итеүе тураһында уйлап та бирмәйҙәр...
Йәштәр хаҡында әйтергә лә түгел. Улар шул донъяла йәшәй. Хатта шундай ғаиләләрҙе күргән бар: атай менән әсәй барлыҡ эштәрҙе үҙҙәре башҡара, картуф, йәшелсә сәсә, уларҙы ҡарай, йыйып ала, бесән эшләй, мал ҡарай, ә балаларын тыңлата алмайҙар... Телефондарынан күҙҙәрен алмай ғына эш башҡарған кешеләрҙе лә күреп йөрөйбөҙ. Ә улар ашаған ризыҡтар бынау балаларҙың төштәренә лә инмәгән бит.
Заман башҡа – заң башҡа, тиер кемдәрҙер. Ләкин һәр заманда ла эш белгән кешегә хөрмәт, ихтирам булған һәм бар... Уйландыра...