Байназар мәктәбе уҡыусылары йылға буйын таҙартҡан

"Дәррәү генә Ағиҙел буйына өмәгә йыйылып, тейешле территорияны тиҙ арала сүп-сарҙан таҙартып сыҡты уҡыусылар. Класс етәкселәре Ғәлиуллин Ғәзим Уйылдан улы менән Баязитов Азамат Роберт улы үҙҙәре лә бер нисә тоҡ сүп йыйҙы. Шәхси өлгө күрһәтеү - тәбиғәткә һөйөү тәрбиәләүҙә иң яҡшы сара. Төйәгебеҙҙең матурлығы, таҙалығы, төҙөклөгө – беҙҙең ҡулдарҙа", тип яҙалар мәктәптең "Бәйләнештә"ге сәхифәһендә. 

Тирә-яҡ мөхитте таҙа тотоу, тәбиғәтте һаҡлау - бик мөһим, яуаплы эш икәнен аңлаған Байназар мәктәбе уҡыусыларына афарин!