Республика көнө уңайынан «Йәшел Башҡортостан» ағас ултыртыу акцияһы була

5 октябрҙә, Республика көнөн билдәләр алдынан, «Йәшел Башҡортостан» акцияһы уҙғарыла.

5 октябргә республика ҡалаларында һәм райондарында акцияны үткәреү өсөн майҙансыҡтар, үҫентеләр һәм ашламалар әҙерләнә. Теләгән һәр кем «Йәшел Башҡортостан» акцияһында ҡатнаша һәм үҙенең ағасын ултырта ала.

Беренсе «Йәшел Башҡортостан» акцияһы 2019 йылдың апрелендә уҙҙы. Унда республиканың барлыҡ муниципалитеттарынан 160 меңдән ашыу кеше ҡатнашты. 164 тематик аллея бүленде, 109 меңдән күберәк ағас һәм ҡыуаҡ ултыртылды.