Иң йәш сәсәндәр майҙан тотто

9-сы йыл рәттән уҙғарылған сараға 34 йәш сәсән йыйылды. 

3-4, 5,  6-7 йәш төркөмдәренә бүленгән балалар тәрбиәселәре, ата-әсәләре әҙерләгән үҙенсәлекле костюмдарҙа, милли кейемдәрҙә сығыш яһанылар. Кескәйҙәрҙең эпосты тасуири ятлап, кемеһелер ҡумыҙҙа уйнап, ҡурайҙа һыҙғырып, ҡобайырҙы көйләп сығыш яһауҙары һоҡландырҙы.

Һәр йәш категорияһында еңеүселәр билдәләнде, уларға иҫтәлекле бүләктәр һәм район мәғариф бүлегенең Маҡтау ҡағыҙҙары тапшырылды.

Сараны "Аҡбуҙат" балалар баҡсаһы тәрбиәләнеүселәре әҙерләгән дәртле концерт номерҙары биҙәне.

Халҡыбыҙҙың оло хазинаһы булған “Урал батыр” эпосын данлаусы, һаҡлаусы, һанлаусы бәләкәстәргә - “Афарин!”

(Тулыраҡ - гәзиттә)