ҺАРЫҠ ЙЫУАҺЫ ИКЕНСЕ ТӨРЛӨ НИСЕК АТАЛА?

Бала саҡта беҙ яҙғыһын әхирәтем менән ҡар асылып бөтөр-бөтмәҫтән Ҡаршытауға саба торғайныҡ. Һарыҡ йыуаһы сүпләргә. Ауыҙҙар ҡап-ҡара булып бөтә, ирен ситтәренә ваҡ ҡая ташы йәбешеп ҡата... Ә ул йыуаның тәмлелеге... Хәҙер балалар, тәм-том күп булғанғамы икән, бигүк тәбиғәткә сыға һалып бармай. Ә бына Әтек балалары был йыуаның әллә нисә исемен дә, тәмен дә белә икән...

-18 апрель көнө бер төркөм уҡыусылар менән урманға "Күңелле сәйәхәт" исемле экскурсияҒа сыҡтыҡ. Уҡыусылар әтмәкәс, йыуа йыйҙылар. Ҡайһы бер балалар әтмәкәстең нимә икәнен белмәй, ҡыҙыҡлы һорауҙар бирҙеләр. Тау-таш араһында ҡар иреп бөтөр-бөтмәҫтән үк килеп сыға әтмәкәс. Әтмәкәй, бәкес тип тә йөрөтәләр ҡайһы бер ерҙә. Беҙҙә уны һарыҡ йыуаһы тиҙәр. Әтмәкәс, йыуанан айырмалы рәүештә, сөсө, һабағы нәҙек, йоморо. Бик тәмле генә була ул.

Тауҙан төшкәс, ҡайын һыуы эсеп, тәбиғәт тураһында мәҡәлдәр әйтешеп, тәбиғәттән көс-дәрт алып ҡайтты балалар, - тип хәбәр итәләр Әтек мәҙәниәт йортоноң социаль селтәрҙәге төркөмөндә.

Тиҙҙән генә ҡаҡы, ҡымыҙлыҡ, бәпкә өлгөрөр. Уларҙың дә тәмен белһен ине балалар.

Автор:Тансылу Багаутдинова

Читайте нас:

Свидетельство о регистрации СМИ ПИ № ТУ 02-01439 от 01.09.2015 г. выдано Федеральной службой по надзору в сфере связи, информационных технологий и массовых коммуникаций по Республике Башкортостан.

Телефон

(34755)3-62-62

Электрон почта

[email protected]

Адресы

Республика Башкортостан, Бурзянский район, с.Старосубхангулово, ул. Ленина,98

Реклама хеҙмәте

(34755)3-52-85

Редакция

(34755)3-62-92

Ҡабул итеү бүлмәһе

Хеҙмәттәшлек

(34755)3-62-92

Кадрҙар бүлеге

(34755)3-52-85