Радий Хәбиров Бөрйән аша Белоретҡа яңы юл ҡайҙан үтәсәген күрһәтте

Был юл Өфө – Инйәр – Белорет  трассаһына альтернатива буласаҡ.

Башҡортостан Башлығы картала яңы юлдың ҡайһы тирәнән үтеүен күрһәтте.

-Әлеге ваҡытта беҙҙең планда - уны Үрге Әүжәнгә һәм Ҡағыға тиклем еткереү. Шулай итеп, беҙ Өфө – Инйәр – Белорет трассаһына альтернативаға эйә буласаҡбыҙ. Юлдың бер өлөшө асфальтланған да инде, участкаларҙың береһендә эштәр бара. Артабанғы этап – иң оҙоно, 50 саҡрым. – тип белдерҙе Радий Хәбиров.

Республика етәксеһе проекттың бер нисә йылға иҫәпләнгән булыуын әйтте.

-Иң мөһиме – финанслауҙы өҙмәҫкә һәм эште туҡтатмаҫҡа, йыл һайын алға хәрәкәт итергә, - тип иҫәпләй республика етәксеһе.

“Башинформ”дан.