Күпер төҙөкләндерелә

Әле көслө яуындар арҡаһында боҙолған Һарғая юлындағы күперҙе төҙөкләндереү эштәре башланды. Һыуы байтаҡ кәмеп, элекке рәүешенә инә башлаған йылғаның күпер һалына торған өлөшөндәге йырҙаһы тығылған ағастарҙан таҙартылып, аҫты күтәреп нығытылып, 1500 диаметрлы ике торба һалынды. Төҙөкләндереүгә экскаватор, 2 КамАЗ һәм грейдер йәлеп ителгән. Әлеге мәлдә өҫтөн таш менан күмеү эштәре бара. Ошо көндәрҙә эшләп бөтөргә тейештәр.