Башҡорт дәүләт ҡурсаулығы федераль субсидия аласаҡ

РФ Хөкүмәте рәйесе Михаил Мишустин Рәсәйҙең бер нисә милли паркына һәм тәбиғәт паркына субсидия бүлеү тураһында күрһәтмә биргән. Субсидия алыусылар араһында Башҡорт дәүләт тәбиғәт ҡурсаулығы ла бар.

Субсидия нимә өсөн бирелә?

Ҡурсаулы биләмәләргә аҡса робототехник средстволар, пилотһыҙ авиация системаһы өсөн өҫтәмә ҡорамалдар һатып алыу, шулай уҡ пилотһыҙ авиасистемалар операторҙарын уҡытыу өсөн бүленә. Бүленгән средстволарҙың дөйөм күләме – 65,412 миллион һум.

Башҡорт дәүләт тәбиғәт ҡурсаулығы, дөйөм алғанда, 628 мең һум аҡса аласаҡ. Шуның 128 меңе – пилотһыҙ авиация өсөн аккумулятор батареялары, 500 мең һумы РТК станцияһы һатып алыуға.

(“Башинформ” мәғлүмәттәре файҙаланылды).