Тайыш табан умарталарҙы туҙҙырған

Мәләүез районында айыу умарталыҡҡа барып, умарталарҙы туҙҙырған. Тайыш табанды Урман хужалығы министрлығы инспекторҙары урмандарҙы патрулләү ваҡытында күреп, фотоға төшөрөп алғандар. Айыу умарталарҙы түңкәреп, кәрәҙҙәрҙе лә һындырғылап бөткән.

-Урман һағы хеҙмәте иҫкәртә: айыуҙарҙың әүҙемлеге бик юғары мәл, урманда хәүефһеҙлек ҡағиҙәләре хаҡында онотмағыҙ! Үҙегеҙ ҙә һаҡ булығыҙ, яҡындарығыҙҙы ла иҫкәртеп ҡуйығыҙ. Айыу менән осрашыу – социаль селтәрҙәр өсөн кадр түгел, ә реаль хәүеф”, - тип иҫкәртәләр Урман хужалығы министрлығынан.

Бынан алда ла Иглин районында ла айыу умарталыҡты туҙҙырғайны.

Фото: Асхат Курмаев | минлесхоз Башкирии.

Автор: Инсаф Хужабирганов