+28 °С
Болотло
Тәбиғәт
4 Июнь 2024, 03:55
Алдағы көндәрҙә ниндәй һауа торошо көтөлә?
Ел дә ваҡытында иҫеп, ямғыр ҙа мәлендә яуып тора, шөкөр. Халыҡтың яҙғы эштәренә бәрәкәт өҫтәп, төндә матур ғына итеп ямғыр ҡойоп үткән. Һеңдерә генә яуған. Бөгөн, 4 июндә, урыны менән ямғыр, боҙ-борсаҡ булыуы ихтимал. Һауа температураһы +23, +28 градус күҙаллана.
Алдағы көндәрҙә ниндәй һауа торошо көтөлә?
Иртәгә, 5 июндә, урыны менән ҡыҫҡа ваҡытлы ямғыр, ҡайһы бер урындарҙа йәшенле ямғыр, боҙ-борсаҡ яуыуы, айырым райондарҙа көслө ел дә булыу ихтималлығы фаразлана.
Һауа температураһы төндә +12, +17, көндөҙ +24, +29 градус.
Кесаҙнала, 6 июндә, ҡыҫҡа ваҡытлы ямғырҙар, йәшен күҙаллана. Һауа температураһы төндә +13, +18, көндөҙ +23, +28 градус.
Яуһын ғына ямғырҙар! Иң кәрәкле генә мәле бит. Иң мөһиме, бәлә-ҡазаларға килтермәһен, сәскән-ултыртҡандарыбыҙға бәрәкәт кенә өҫтәһен.
