+28 °С
Болотло
Тәбиғәт
20 Май 2024, 04:05
Ниһайәт, әҙерәк йылыта, ахыры...
Йылы көтә-көтә, йылы кейемдәрҙә майҙы ла сығып барабыҙ))) Ярай, себенгә юҡлыҡ булыр, бәлки. Игенгә туҡлыҡ, тип әйтеүе ҡыйыныраҡ. Сөнки байтаҡ сәсеүлектәр һыуыҡтан зыян күрҙе. Алдағы көндәрҙә беҙҙе ниндәй һауа торошо көтә һуң?
Ниһайәт, әҙерәк йылыта, ахыры...
Бөгөн, 20 майҙа, һауа температураһы көндөҙ +15, +20 градус көтөлә, тип хәбәр итә синоптиктар.
Иртәгә, 21 майҙа яуым-төшөм күҙалланмай. Төндә +1, +6 тирәһе, көндөҙ +18, +23 градус вәғәҙәләйҙәр. Төндә ҡырау төшөү ихтималлығы бар.
Шаршамбыла, 22 майҙа, ҡыҫҡа ваҡытлы ямғырҙар, йәшен фаразлана. Төндә +1, урыны менән +6, +11 градус була. Көндөҙ +15, +20 градус көтөлә.
