Синоптиктар ҡыуандыра

Был аҙнала синоптиктар көндәрҙең йылыныуын вәғәҙәләй. Хатта йәйгесә йылы буласаҡ, тиҙәр.

Уртаса һауа температураһы республика буйынса плюс 14-20 градус, йомала Өфөлә плюс 27 градусҡа тиклем күтәрелеүе көтөлә. Ял көндәрендә, 20-21 апрелдә, 23-26 градус буласаҡ.

Бөгөн, 15 апрелдә, һауа температураһы республика буйынса көндөҙ плюс 9-14 градус  тирәһе күҙаллана. Көнбайыш райондарҙа ҡыҫҡа ваҡытлы ямғырҙар үтә.

Иртәгә, 16 апрелдә, ҡыҫҡа ваҡытлы ямғырҙар, урыны менән йәшенле ямғырҙар булыуы ихтимал. Һауа температураһы +11-16  градус тирәһендә тирбәләсәк.

Шаршамбыла, 17 апрелдә,  бер аҙ ямғыр көтөлә. Көндөҙ һауа температураһы 15-20 градус буласаҡ.

Шулай итеп, йәйгесә йылы көндәр менән ҡыуандырмаҡсы был аҙна.

(“Башинформ” мәғлүмәттәре тәржемә менән файҙаланылды).