Бөрйәндең "Юнити" футбол командаһы - беренсе!

5-6 октябрҙә Межгорье ҡалаһында мини-футбол буйынса асыҡ турнир уҙҙы. Башҡортостан Республикаһы көнөнә арналған ярышта 2015-2016 йылғы малайҙар көс һынашты. Алты команда араһында уҙған көсөргәнешле ярышта Бөрйән районының "Юнинти-1" командаһы еңеү яуланы.  Ә "Юнити-2" 4-се урынға сыҡты. 

Шәп уйынсыларҙы ла билдәләгәндәр. "Иң яҡшы ҡапҡасы" - Ишморат Баязитов, "Иң яҡшы уйынсылар" - Ризван Ҡаһарманов менән Алмаз Ғүмәров. 

Йәш спортсыларға һәм уларҙың тренеры Юлай Уразаевҡа - афарин! Киләсәктә лә күп еңеүҙәр насип булһын!