"Таң" гәзите кубогы кемдәргә эләкте?

Йыл да 1 майҙа “Таң” гәзитенең күсмә кубогына һәм спартакиада зачетына уҙғарылған еңел атлетика буйынса эстафета матур йолаға әүерелде. Ярышта ойошма, учреждение, предприятие, ауыл хакимиәттәре һәм уҡыусылар командалары ҡатнашты.

Һөҙөмтәләр түбәндәгесә:

- уҡыусылар араһында 1-се урын һәм кубок Иҫке Собханғол мәктәбе командаһына,

- ауыл хакимиәттәре командалары араһында 1-се урын һәм кубок Байназар ауыл хакимиәтенә, 2-се урын Ҡыпсаҡ ауыл хакимиәтенә, 3-сө урын Кейекбай ауыл хакимиәтенә,

- ойошма-предприятиелар командалары араһында 1-се урын һәм кубок мәғариф бүлеге командаһына, 2-се урын үҙәк дауахана командаһына, 3-сө урын газ хеҙмәте командаһына бирелде.

Байрамда шулай уҡ ир-егеттәр араһында арҡан тартышыу ярыштары үтте.

Ярыштар күңелле һәм сәмле барҙы. Бер команда ла бирешергә теләмәне, ярыш аҙағынаса бөтә көсөн һалып тырышты.