Махсус хәрби операцияла ҡатнашыусыларға яңы ярҙам саралары булдырылды

Тейешле документ республиканың Ғаилә, хеҙмәт һәм халыҡты социаль яҡлау министрлығында әҙерләнгән.

Яңы ярҙам саралары исемлеге:

-коммуналь хеҙмәттәр өсөн ваҡытында түләмәгән осраҡта пеняларҙан азат итеү;

-грант алған осраҡта эшмәкәрлектең план күрһәткестәрен үтәмәгән өсөн яуаплылыҡтан азат итеү;

-«Башҡортостан Республикаһының ауыл биләмәләрен комплекслы үҫтереү» программаһында ҡатнашыусыларға торлаҡ шарттарын яҡшыртыу өсөн социаль түләүҙәр биреү;

-балаларын йәшәү урынына яҡын урынлашҡан балалар баҡсаһына күсергәндә өҫтөнлөклө хоҡуҡ биреү;

-физкультура-спорт ойошмаларына беренсе сиратта уларҙы ҡабул итеү хоҡуғы;

-мәҙәниәт ойошмаларына ташлама менән йөрөү.

МХО-ла ҡатнашыусының ғаилә ағзаһы иҫәбенә инә:

- уның менән законлы никахта торған ҡатыны (ире);

- хеҙмәткә яраҡһыҙ йәштәге ата-әсәһе (йәки уллыҡҡа алыусылары);

- ата-әсәһе булмау сәбәпле, уны кәмендә өс йыл тәрбиәләгән һәм (йәки) ҡараған хеҙмәткә яраҡһыҙ йәштәге олатаһы һәм (йәки) өләсәһе;

- уны кәмендә биш йыл тәрбиәләгән һәм (йәки) ҡараған хеҙмәткә яраҡһыҙ йәштәге үгәй атаһы һәм (йәки) үгәй әсәһе;

- бәлиғ булмаған балалары;

- 18 йәше тулғансы инвалид булған 18 йәштән өлкән балалары;

- белем биреү ойошмаһында көндөҙгө бүлектә уҡыған 23 йәшкә тиклемге балалары.

Хәтерегеҙгә төшөрәбеҙ, Башҡортостандан МХО-ла ҡатнашыусыларҙың ғаиләләренә ярҙам итеү саралары махсус чат-ботта тупланған: https://vk.cc/cpMRvx

Контракт менән хеҙмәт итеү – ул ябай ғына һөнәр түгел, ул - үҙ Ватаныңды һаҡлау.

Рәсәй Федерацияһы армияһына килешеү нигеҙендә хәрби хеҙмәткә барырға теләүселәр:

-контракт буйынса хәрби хеҙмәткә һайлап алыу мобиль пунктына (Иҫке Собханғол ауылы, Ленин урамы, үҙәк сәхнә);

-хәрби комиссариатҡа (Белорет ҡалаһы, Б. Хмельницкий урамы, 3/А, тел. 8 (347)923-41-02);

-Өфөләге һайлап алыу пунктына (Өфө ҡалаһы, Революция урамы, 156, телефон: 8 (347) 248-29-31, 248-18-63) мөрәжәғәт итә ала.

Шулай уҡ ҡыҙыу линия телефоны буйынса көн һайын 8.00 сәғәттән алып 20.00 сәғәткә тиклем консультация алырға мөмкин: 8 (347) 224 90 13 йәки мобиль телефондан 117, 122.

Контракт хеҙмәт буйынса һорауҙарға яуаптарҙы https://t.me/bashbat02/2236 чат-ботында табырға мөмкин.