ҺАҒЫНЫУ

Ҡыш сананан төшмәй тауҙан шыуҙыҡ,Боҙланышып ҡатҡан быйманыӨйгә ҡайтҡас,саҡ - саҡ сисә инек,Тик уйнауҙан бер кем тыйманы.

Иҙән тулы - төрлө уйынсыҡтар,
Ейән - ейәнсәрем уйнаған;
Һәр бер өйгә таныш күренештер:
Уйнағандар,ләкин йыймаған.

Машинаның ниндәй төрҙәре юҡ:
Үҙйөрөшлө,рулле - рулһеҙе;
Ҡурсаҡтарҙың йырлап - һөйләшкәне,
«Әсәй « тигәндәре,телһеҙе...

Алыҫтарҙа ҡалған баласағым
Күҙ алдымдан үтте теҙелеп,
Уйынсыҡһыҙ үтте ул баласаҡ,
Ләкин һағындыра өҙөлөп.

Һәр бер өйҙә ишле бала ине,
Ҡусты ,һеңле - тере ҡурсаҡтар.
Ниндәй генә уйын уйнаманыҡ!-
Урамдарҙа үтте ул саҡтар.

Ҡыш сананан төшмәй тауҙан шыуҙыҡ,
Боҙланышып ҡатҡан быйманы
Өйгә ҡайтҡас,саҡ - саҡ сисә инек,
Тик уйнауҙан бер кем тыйманы.

Йәй бигерәк иркенлеккә сыҡтыҡ,
Уйындар ҙа хәтәр күп ине;
Балыҡ кеүек һыуҙа йөҙә - йөҙә
Аяҡ - ҡулдар,ирен күк ине.

Ҡунаҡ саҡырыштыҡ ҡыҙҙар менән
«Бәлеш «бешерҙек тә балсыҡтан,
«Сәйҙәр» эстек матур сынаяҡтан -
Сүплектәрҙән йыйған ярсыҡтан.

Йәшел сиҙәмдәрҙә көндәр буйы
Төрлө - төрлө уйын уйнаныҡ.
Йылдар,йылдар...Бик тиҙ үттеләр шул,
Һис кенә лә уйнап туйманыҡ.

...Иҙән тулы уйынсыҡҡа ҡарап,
Тәрән уйға сумып торамын;
Үҙәктәрҙе өҙөп иҫкә төшкән
Баласаҡҡа барып ураным.

Читайте нас:

Свидетельство о регистрации СМИ ПИ № ТУ 02-01439 от 01.09.2015 г. выдано Федеральной службой по надзору в сфере связи, информационных технологий и массовых коммуникаций по Республике Башкортостан.

Телефон

(34755)3-62-62

Электрон почта

[email protected]

Адресы

Республика Башкортостан, Бурзянский район, с.Старосубхангулово, ул. Ленина,98

Реклама хеҙмәте

(34755)3-52-85

Редакция

(34755)3-62-92

Ҡабул итеү бүлмәһе

Хеҙмәттәшлек

(34755)3-62-92

Кадрҙар бүлеге

(34755)3-52-85