Өфөнән "Гүзәл дэнс" Мәскәү жюриҙарын аһ иттергән!

Өфөнән "Гүзәл дэнс" хореография ансамбле НТВ каналындағы "Таланттар иле" тапшырыуын таң ҡалдырҙы. Ҡыҙҙарҙың сығышын баһалама ағзалары юғары баһаланы.

"Был иҫ киткес матур булды. Яулыҡтың көнкүреш тормошта ниндәй урын алыуын матур итеп күрһәттегеҙ. Тамашасыға ҡарарға ла өлгөрҙөгөҙ. Сәхнәгә ҡапыл әйләнгәндә миңә, әйтерһең дә, ҡоштар осорға әҙерләнгән кеүек тойолдо", - тине Рәсәйҙең халыҡ артисы Надежда Бабкина.