Белгән өйрәтә!

Хәҙер кешенең белмәгән нәмәһе, эше юҡ бит ул. Йәштәр ҙә егәрле һәм һәр нәмәне белергә ынтылып ҡына торалар.

Бына әле яңыраҡ Вәзимә Ғәбитова етәкселегендәге “ Тәсниим” йәш мөслимәләр иттифағынан бер төркөм Ғәҙелгәрәйгә барып, Вәлимә Әмәкәсова апайҙарынан бауырһаҡ бешереү буйынса мастер-класс алып ҡайтҡан. Бауырһаҡ бешереү ҙә һәр кемдең ҡулынан килмәй шул, әммә бауырһаҡҡа халыҡ араһында ихтыяж ҙур – ниндәй ҡунаҡ, аят, никах, туй бауырһаҡһыҙ үтһен инде?!

“Тәсниим” ҡыҙҙарына афарин – йә оло апайҙар өсөн берәй дини сара үткәрәләр, йә үҙҙәре өсөн лекция-уҡыуҙар ойошторалар, ауылдарға осрашыуҙарға йөрөп, дәғүәт тә алып баралар.