Сифатлы ризыҡ етештерәләр

“Бөрйән” ҡулланыусылар кооперативы менән 2020 йылдан алып Шәмиғолова Айгөл Рәшит ҡыҙы (өҫтәге һүрәттә)етәкселек итә. Район халҡы белгән ашхананан тыш, кооперативта икмәк бешереү һәм ярымфабрикаттар етештереү цехтары, 3 магазин бар. Бөгөнгө көндә цехтарҙа 18 төр ярымфабрикат етештерелеп, магазиндарға һатыуға сығарыла. Итле ризыҡтар тик районыбыҙҙың фермерҙарынан, шәхси хужалыҡтарҙан алынған һыйыр итенән генә эшләнә. 

Бында эшләүсе уңған ҡатын-ҡыҙҙар икмәк бешереү цехында көнөнә 450 таба, ә айына 4,5 тонна икмәк бешерә. Унан тыш, 30-ҙан ашыу төр ҡамыр ризыҡтары ла бешереп өлгөрәләр. Әйткәндәй, мәктәптәрҙе лә икмәк менән тап “Бөрйән” ҡулланыусылар кооперативы тәьмин итә.