«Таң» менән изгелек ҡыл!» акцияһы дауам итә

Артабан эстафетаны район хакимиәте башлығының иҡтисад, ағас эшкәртеү һәм туризм буйынса урынбаҫары Артур Ғәлин ҡабул итеп алып, Мораҙым ауылынан махсус хәрби операцияла ҡатнашыусының ғаиләһенә район гәзитенә подписка эшләне.

Изгелек эстафетаһы район хакимиәте башлығының ер һәм мөлкәт мөнәсәбәттәре буйынса урынбаҫары Айҙар Ишниязовҡа тапшырылды.

Теләгән һәр кем был акцияға ҡушылып, изгелек ҡыла ала. Бының өсөн аҙ тәьмин ителгән, күп балалы, шулай уҡ инвалид бала тәрбиәләгән ғаиләләрҙе, оло кешеләрҙе, ветерандарҙы, МХО-ла ҡатнашыусыларҙың ғаиләләрен йәки ата-әсәләрен “Таң” гәзитенә яҙҙырыу ҙа етә.

Әйҙәгеҙ, акцияға әүҙем ҡушылайыҡ, райондаштар!