Хөрмәтле гәзит уҡыусыларыбыҙ!

2019 йылдың тәүге яртыһына гәзит-журналдарға яҙылыу кампанияһы башланыуы хаҡында хәбәр иткәйнек инде. Йәмғиәттә йәшәп, йәмғиәттән азат булып булмай – матбуғат баҫмаларына яҙылыу хаҡы тағы ла бер ни тиклем артты:

“Таң”ға ярты йылға яҙылыу хаҡы – 890 һум 10 тин; Бөйөк Ватан һуғышы ветерандарына, беренсе төркөм инвалидтарға 812 һум 88 тин.

Бөтә нәмәгә хаҡ артып торған саҡта йәшәйбеҙ. Әлбиттә, матбуғат баҫмаларын да урап үтмәй был хәл. Ләкин райондаштар “Таң” ға тоғро ҡалырҙар тип ышанабыҙ. Ә беҙ, үҙ сиратыбыҙҙа, һеҙҙе районда барған хәл-ваҡиғалар, уңғандар, яңылыҡтар менән таныштырып ҡына ҡалмаҫбыҙ, һеҙҙең проблемаларҙы күтәрербеҙ, бынан тыш, рух уятыр, күңелдәргә дауа булыр шиғыр-хикәйәләр, фәһемле хәлдәр хаҡында ла яҙмалар тәҡдим итербеҙ.

Ҡыҫҡаһы, бергә булдыҡ, бергә ҡалайыҡ, дуҫтар!